wennst Biker werden willst, bist bei uns a bisserl falsch, glaub i. Die san dort: www.biker.at
Wennst einfach Motorradl fahrn willst, herzlich willkommen bei uns.
Zu deiner Frage: wer mi kennt, weiß, dass i a Verfechter von Lernmotorradln bin. Erstens tut a Hinleger net so weh, wenn es net glei die Traummaschin war. Und zweitns hat klein Anfangen und Aufiarbeitn no nie gschadt. Überall brauchst a Lehrzeit, warum solls grad beim Moppedfahrn anders sein?
Kauf da zuerst amal a gebrauchte Kawa ER-5 oder -6, a Honda CB500 oder CBF600, a Suzi GS500 oder Bandit 650, a Yamaha Xj600. So in der Art. Mit denen fahrst einmal 1-2 Jahr, dann weißt, worauf es ankommt. Und wenn nix passiert ist, dann kriegst die ohne viel Verlust wieder an, wenn doch, dann is wenigstens net viel verlorn.
Und wurscht, was: Unbedingt draufsetzn und dann probefahrn! Mehr als nur 5 Minuten. Und wennst ka Profi bist (was i annimm, sonst tatatst do net frogn), dann geht ohne Ankaufstest beim Club deines Vertrauens gor nix! Di sogn da aa, ob des Klumpert sei Göd wert is.
Was brauchst no: Fang ma amal beim Helm an. A guate Markn soll scho sein, net des 50-Euro-Glumpert vom Diskonter. Was für ane, is dann eher wurscht - sitzen muaß er gscheid und aushaltn muaß er was. Lass di bei am guatn Händler beratn, die hobn Fachwissn, des dir no abgeht. I fahr an Airoh, andere guate Markn san Shoei, Schubert, Nolan und no a paar mehr. Aber es is wia bei da Maschin: versteif di net vorher auf an bestimmtn, es kann sein, dass dir dann a anderer vü besser passt! Preis fangt bei 120,- an, für was wirklich Guates kannst ab 200m. aufwärts rechnen.
Des nächste san Stiefel und Handschuach. Die schützen genau die Körperteile, die bei am Leger sicher Kontakt mit der Straßen oder der Botanik kriagn. Handschuach kriegst von 20,- aufwärts, Stiefel ab 70,-. Schuach unbedingt über de Knöcheln aufi, am besten verstärkt a strategische Stölln. Handschuach net gor z’dünn, damits das net vo den Fingern wuzelt. Da kannst a des Zeugs vom Hofer nehman, des is net ganz schlecht. Und, bittschen, imma onziagn aa! Mi gruselts jedsmol, wann ma a Supersportler entgegenkumt, wor sicha net billig, und da Fahra grüaßt mit nockate Fingan. Den hots sicha nu nia zlegt, denk i ma donn, sonst mochatst des nimma.
Jackn und Hosn: A Jeans hoit am Asfalt net wirkli vü aus. A Ti-schöat a net. Wannst a bissal rumguarkst, reicht Textilzeug um 100,- pro Teil. Wannst vü Ausfahrten machen wüst (und gschwinde), kummst um guates Leder net rum, möglichst dick, Nähte umbogn - und eng sitzn sois! (Oisa net zu- und net obnemman!) Kosta kwanta 400,- aufwärts.
Na, und wannst amol in an Regn kumman soitst, wos zum Drübaziagn. Do ist wieda des vom Hofer supa. 20 Euro und hoit supadicht. Der Rest is Lust und Laune - und Gödtaschl.
Zum Thema „Anfängermotorradl“ findest in dem Link auch an Haufn Infos (ganz zu scheign vo genau dem Forum, wost jetzt bist - gib amol in die Suchfunktion des Wortl „Anfänger“ ein!): [url=http://www.motorradonline24.de/thread.php?postid=70297]http://www.motorradonline24.de/thread.php?postid=70297[/url]
Und des is aa a voi guate Seitn: http://www.bikerwelt.at/einsteiger/index.php (speziell [url=http://www.bikerwelt.at/einsteiger/bike.php%29]http://www.bikerwelt.at/einsteiger/bike.php[/url] und das: http://www.bikerwelt.at/ausruestung/index.php)