Sers an alle,
danke nochmals dass kommen seids, der Saisonstart an der Route 69 war gelungen und keinem is wos passiert 
Das Wetter am Donnerstag (1. Mai) Morgen war net gerade einladend – bewölkt und regnerisch – aber um 7 in der Früh, wen interessierts?
Bis 10e wirds scho schen werdn und um halb elf treff ma uns – pasta!
Gesagt, getan, um 10 rauf aus Bike und zumTreffpunkt (OMV-Tankstelle Kalsdorf), Straße war scho trockn und die erstn Sonnenstrahlen kamen schon durch – freu, grins!
Pünktlich – wie imma – san ma beim Treffpunkt, da Pepo war scho vor uns durt grrrrr , tanken wir mal auf und wartn auf die ondan…
Schön langsam trudeln olle ein und die Zeit vergeht, bis olle zsamm san is 11e und wir sind bereit zur Abfahrt.
Fast alle sind gekommen: mopedhex, fatboy, robert, werner, pepo, harakiri, julie, tina, uschi + freund, radioshack, kulta, nick74
Ok, 11e is, los gehts, Abfahrt Richtung Leutsch ins Bikercamp. Bei Preding wartn schon ganzbrav und sandysign, stehnbliebn wird nix, anfoch hintn dran und weiter Richtung Kitzeck.
Aufi aufs Kitzeck – a wahnsinns Stroßn, breit und neu asphaltiert – obn ankumman der Weinstroßn entlang – die Sonne hats gschafft und is durch – a genialer Ausblick entlang dem steirischn Hügelland! A kurzer Stopp bei am Buschenschank schießt mir durch den Kopf, naja, bei 16 Leit, wer was ob die Idee guat ankummt
Wurscht, do muss i durch! Weiter gehts, den Berg obi und Richtung Sulmsee, zumindest lt. Plan, oba den Sulmsee hob ma nie gsehn…sorry bin mi verfohrn
Aber zu meiner Entschuldigung muss i sogn, die Burgenländer worns!!! Die hobn mi in dem Moment so obglenkt, dass i die folsche Abzweigung gnumman hob und schon wors passiert!
Und mit 15 Leit im Gnack, wos sollst do no umdrahn 
Okay, spontan wie i bin :-), fohr ma holt net übern Labitschberg nach Gamlitz ins Camp, sondern über Arnfels, knapp vor 12e is eh schon, die Zeit drängt, also weida!
Um Punkt 12 sind wir gesund und munter im Bikercamp ankomman und a ganze Haufn wor schon durt, okay wir san net die Erstn oba a net die Letztn! Beginnend mit ana neuen Reihe stelln wir die Bikes ob und gehn auf an Kaffee!
Um 13 Uhr geht da Guzzi-Pfarrer durch und segnet jedn Biker mit seim Bike- bei ca. 700 Bikes ne Menge Holz! Kurz vorher musstn noch olle ihr Bike kurz anstartn – da Sound wor einfach genial
Pünktlich um 14:30 gings ab Richtung Bad Radkersburg, untn ankumman habn uns scho einige erwortet und die Band gab bald ihr Bestes oda hobns zumindast versucht…der Wille zählt
Irgendwann hobn sich dann die Erstn verabschiedet – „San ma zum Huckn do oda zum Bikn?“ und später ist dann der Rest wieder Richtung Bikercamp aufbrochn…
Diesmal übern Karnerberg, den i beim erstnmol auslossn hob – oab zwamol fohrn am tog is eh net witzig, oda?
Wida im Bikercamp ankumman, treff am no die Lydia (Spitze dasst doch no kumman bist!), sitzn bei an kühln Blondn und lossn den Tog gmiatlich ausklingan
Ansonstn wors a lässiga Tog, Quatscht hob ma vü und jeda is gsund ham kumman!
Cu all spätestens bei der 1000ps-Party (mit ana lässign Strecknführung meinerseits- zumindest wenn i mi net wida verfohr !)
lg rol
Bikercamp R69
Bikercamp R69
Bikercamp R69
Bikercamp R69
Bikercamp R69
Bikercamp R69
Aufstellung
Motorradweihe
Motorradweihe
Begleitfahrzeug
Ausfahrt
Bad Radkersburg
Bad Radkersburg
sorry das ich als erster auf der tankstelle war, bin halt frühaufsteher…
lässige photos!!!
grüsse
petar
lässig gschriebn
ja, war echt a gelungener tag, der 1. mai.
zumindest mir hats viel spaß gemacht.
und des mit dem verfahrer sei dir verziehen.
aber für was die burgenländer alles so gut sind
sogar für an abzweiger der net geplant is…hihi
lg mopedhex
leider hat niemand fotos von uns bei der abreise bzw. beim festl selbst gmacht
naja beim nächstn mal is a klane digicam sicher dabei und beweisfotos werdn von uns allen gmocht!
cu
rol
freut mi dass es dir gfalln hat!
werd demnächst die ganze streck nochmals fahren, so leicht loss i mi net ins boxhorn jagn, und scho gor net von 3 burgenländern
lg rol
dich begleiten?
nur um sicher zu gehn dast di net einmol so verfahrst dast nimmer heimfindest.
am besten is du hängst dir a taferl mit deiner adresse um
damits dich wenigstens heimschicken können grins
bussal mopedhex
wenn ma net alles selber macht, gell 
aber, von mir brauchst kanns machen.
am besten i nimm die kamera, dann kommt niemand auf blöde gedanken gg
lg m.hex